Sulalatussalatin atawa Sulālat al-salāṭīn (Jawi: سلالة السلاطين, lèterleknya "Penurunan segala raja-raja") entu atu gawéan dalem basa Melayu paké hurup Jawi. Ni gawéan serat paling kaga' gableg 29 pèrsi naskah nyang ketèbar antara laèn di Inggris (10 di Londen, 1 di Mèncèster), Welanda (11 di Lèden, 1 di Amsteredam), Indonésia (5 di Jakarta), èn 1 di Ruslan (di Sint-Pitersbereh).
Sulalatussalatin punya setil tulisan kaé babad, di sono-sini ada penggambaran nyang keliwat-liwat (hiperbolik) bakal ngagengin raja ama dia punya kulawarga. Cuman, ni naskah dirèken penting bahna ngegambarin adat ama istiadat budaya kerajaan, silsilah raja èn sejarah Kerajaan Melayu, bolé dibilang mèmper kaya' konsèp sejarah sahih (veritable history), nyang nyatet sejarah wangsa nyang sebelonnya.
© MMXXIII Rich X Search. We shall prevail. All rights reserved. Rich X Search